Kroi i vashës
Vajza, Vashë, e shtrirë përtokë
Nënë e babe e qajnë me lotë
“Nënë e babë mos më qani
Fjalët e mia mend ti mbani:
Ju më lindët, më dhatë jetë
Ndaj ju lë ju, një amanet
Tek përroi, mbi lëndinë
Sot unë gjeta një burim
Mblidhmani ujin në krua
Në dy anë shesh të ketë
Se aty do çlodhem vetë
Për sa kohë vajzë do jem
Për pasqyrë kruan do kem
Për sa kohë nuse do jem
Lulet për vello do kem
Pesë burime do të kem
Në të pestë do të jem
Do më thahen dy burime
Kur të pini ujë në krua
Aty do më keni mua
Do të jem, por s’do flas dot
Por, dijeni se do qaj me lotë
Kroit emrin tim t’i vini
Të më mbetet një kujtim
Përparim 1994
Comments